11 may. 2010

¿Durará siempre la lluz de les estrelles?


Aurelio González Ovies

¿Durará siempre la lluz de les estrelles?
¿Será capaz l'home de construir
en marzu la perfección d'un ñeru?
¿Qué podrá escribise ensin sentir nada?
¿Y qué podrá sentise colos sentíos secos?
¿Será constante l'home para reemplazar a tiempu
el turnu de los meses?

Prefiero nun saber lo que m'entrugo.
Lloraría dos mil años sobre esta páxina.



(C) Aurelio González Ovies
El cantu'l tordu
Academia de la llingua asturiana
Llibrería académica
Uviéu 2009

Voz:
María García Esperón
Música: Optimysthique
Yanni
MMX