Nin vellocinios hai, nin unicornios.
Nun busques más allá de lo que ves
delantre.
Nin príncipes qu'abracen el so palaciu
en ruines,
nin pegasos nin monstruos
nin sapos que despierten con dos palabres
máxiques.
Nun mires más allá de lo que ta
cegándote.
Too ta equí, nesta estaya la vida,
nesta ñube que cruza,
nesti sol que se tapa,
nesti yá, nesti agora.
Na ilusión d'esti instante.
Y más allá,
va ser siempre
o mui ceo o mui tarde.
